Páskafrííííí...

Á ég að segja ykkur fréttir?.. Ég er komin í páskafrííííííííí  .. Það er alveg yndislegt að fá svona frí, þarf reyndar eitthvað að læra  og svo þarf ég að passa Andra ALLT páskafríið, en hann er orðinn svo stór að það er ekkert mál..

Það er nú fátt búið að gerast síðan síðasta blogg var skrifað..  bara læra og læra, próf og próf.. Voðalega eins eitthvað..

 

Ég ætlaði bara svona að láta vita af mér, ég er ekki í neinu einasta blogg stuði, en mig fannst það vera skyldan mín að blogga smá þar sem að það er frekar langt síðan ég bloggaði síðast..

Ég er komin í myspace heiminn :D myspace.com/andrea_ros endilega kíkið

Ég er hætt í bili.. þangað til næst....

Dúleg ;)

Jæja, Klara og Alla, hvað ætliði að segja núna  
Ég sit inná bókasafni af því að ég mátti fara úr náttúrufræðitíma af því að ég er búin með öll verkefnin í 5 kafla, af því að ég var svo dugleg að vinna í tímum og heima um helgina .. af því að mig langar að standa mig í skólanum af því að ég nenni ekki að vera endalaust í þessum skóla af því að mig langar að lifa lífinu.. jæja komið nóg af af því að setningum

 Annars er allt sæmilegt að frétta af mér..

Á föstudaginn voru úrslitin í Morfís, ég náði að draga sjúklinginn minn (Sunnu) með og þetta var alveg þvílíkt spennó! En því miður höfðu MH betur, en við getum samt verið stolt þar sem þetta er í fyrsta skipti í sögu skólans sem við förum í úrslit..  við gerum bara betur næst.

Laugardagskvöldið fór í að passa systkyni mín vegna þess að mamma og gummi fóru á árshátíð  fór svo bara að sofa þegar þau komu heim og því ekkert djamm á mér um helgina

Sunnudagurinn fór í að læra undir íslenskupróf, ég held að ég hafi aldrei eytt eins löngum tíma í að læra undir próf en samt ekki læra  það var alltaf eitthvað að trufla mig, mamma að kalla, gestir, svöng.. just name it..

Jæja núna er ný skólavika byrjuð..
einungis 12 dagar í páskafrí (9 skóladagar)
einungis 42 dagar eftir af skólanum + próf (23 skóladagar + próf)

Þetta styttist óðum...

Seinni færsla dagsins:
Haldiði ekki að ég hafi verið að komast að því að íslenskukennarinn minn er veikur þannig að ekkert próf í dag, ég búin að eyða allri helginni í að læra en nei nei ekkert próf! Þá er ég bara búin að læra  og get þá jafnvel lært bara betur 

Hvernig er með..

comment (athugasemdir)..?

Fullt af fólki búið að skoða síðuna en bara einn búinn að commenta, ég er ekki alveg nógu sátt með þetta.. Ég hef engan metnað í að halda uppi einhverri bloggsíðu ef enginn commentar

Annars er ég núna bara í ógeðslega leiðinlegum Náttúrufræðitíma sem ég skil ekki rass í og get ekki neitt í..  ekki alveg nógu sátt..

Annars ætlaði ég bara að koma á framfæri vonbrigðum mínum að enginn skuli kommenta nema hún Erna mín

 Farin að læra eitthvað um gildisrafeindir og atóm

Andrea -

Ætli þetta sé eitthvað betra..

en önnur bloggsvæði sem ég hef prófað..?

 Mér líst samt alveg ágætlega á þetta svæði þar sem það er svona fullorðinslegt, mér finnst b.c.is orðið svo barnalegt..   æjj ég veit ekki ..

 En ég ætla að blogga um helgina sem var að líða...

Ég fór semsagt með Einari, Kidda Helga, Elvu, Öna, Reyni, Anítu, Óla, Þuru, Viktoríu og Agnesi í bústað á Kirkjubæjarklaustri..
Ég, Kiddi, Einar, Öni Reynir, Elva, Aníta og Óli fórum á föstudeginum og keyrðum á Kirkjubæjarklaustur.. Þegar þangað var komið fórum við og athuguðum bústaðina, sem voru þvílíkt krúttlegir, svona 2 og 2 saman, litlir kofar    (semsagt 2 stykki svona) (svona að innan)

Svo fórum við í hlöðuna sem við fengum líka til leigu, til þess að grilla og fara í karoke ef við vildum. Þar voru grillaðar pylsur og þær étnar, auk þess sem fólk byrjaði að fá sér í tánna..
Svo fórum við bara inní einn bústað sem var svo kallaður "partýbústaðurinn" en það var einnig svefnplássið þeirra Kidda og Reynis. En þar fékk fólk sér meira í tánna. Þura, Agnes og Viktoría hringdu svo í okkur og sögðu að þær myndu ekki koma þar sem færðin væri svo léleg og Anges treysti sér ekki til að keyra  þannig að þær kæmu bara næsta dag.
Það voru engin útiljós fyrir utan bústaðina sem er náttlega algjörlega fáránlegt. Þess vegna átti það óhapp sér stað að Óli datt um svona feitan blómapott eins og er á myndinni og misst andann. Sem betur fer var Elva úti og heyrði eitthvað svona smá hvísl "hjálp, ég get ekki andað" og gat hjálpað honum en hann var alveg að drepast í rifbeininu og örugglega brákaður eða brotinn þar. En við entumst svo ekki lengi á þessu djúseríi og fórum bara að sofa kl 1:30 eða eitthvað um það leytið.  Nema Kiddi og Reynir, Kiddi hélt áfram að drekka og syngja en Reynir fór að horfa á bíómynd.

Daginn eftir vöknuðum við hress og kát um 11 leytið og ákváðum að fara í sund á Vík, En Óli og Aníta fóru í bæinn.
Ég, Einar, Öni og Elva vorum saman í bíl og keyrðum til Víkur þar sem Ég, Einar, Elva, Kiddi og Reynir fórum í sund. Það var svosem ágætt, en það var mikið hugsað um það hvernig ætti að redda því að Öni gæti horft á leikinn sem var í sjónvarpinu um kvöldið, og endaði með því að við náðum að redda símanúmeri hjá konu sem átti kaffihús og bar þarna í Víkinni og við þurftum bara að tala við hana um að hún gæti opnað aðeins fyrr en vanalega. Fórum svo uppúr og þá voru Stelpurnar komnar og Öni keyrði samferða þeim á Kirkjubæjarklaustur til að sýna þeim bústaðinn sinn og þannig. Við brunuðum svo til Kirkjubæjarklausturs og fengum okkur að borða í sjoppunni þar, enda geðveikt svöng. Komum svo aftur uppí bústað og Öni, Þura og Einar ætluðu að fara af stað til Víkur þar sem Öni ætlaði að horfa á leikinn en þau þurftu að snúa við af því að það var eiginlega bara ófært þangað. Ég, Elva og kiddi sofnuðum svo öll í einu rúmmi, eða ég náði eiginlega ekkert að sofna og var enþá með ljóta hausverkinn minn þegar við fórum framúr. Einar og Öni fóru svo og kveiktu á grillinu uppí hlöðunni og við hin komum með matinn og áfengið. Þar voru grillaðir borgarar a la Öni og alveg dýrindismáltíð þar á ferð . Fengum okkur svo smá í tánna þar en fórum svo bara fljótt niður í bústaðinn útaf því að það var svo kalt þarna. Skelltum okkur þá beint í partýbústaðinn þar sem djammað var til 5:30 um nóttina..
Sumir urðu fullari en aðrir og sumir leiðinlegri en aðrir en svona á heildina litið var þetta frábær nótt

Á sunnudeginum vorum við vakin af einhverju dýri sem ber nafnið Reynir, um klukkan 13:30 það kom og bankaði á hurðina hjá okkur eins og það ætti lífið að leysa og hló svo bara að mér þegar ég kom grútmygluð til dyra. Við áttum víst að fara framúr og taka okkur til þar sem við vorum að fara í bæinn. Þá voru Agnes Viktoría og Elva að keyra úr hlaðinu..
Við hlíddum auðvitað og tókum allt saman, enda ekki mikið að taka saman, þar sem við vorum voðalega lítið í okkar bústað.
Lögðum svo af stað í bæinn um 16 leytið og stoppuðum svo á Selfossi og fengum okkur KFC  nammm...
Ég var svo komin heim um 19:30 leytið..
Þetta var bara frábær ferð í alla staði, bara takk allir

Þegar ég kom svo heim á sunnudeginum, þá fór ég á bloggið hennar Bessýar og ætaði að lesa saklaust blogg, en nei þá las ég þær fréttir að Viktor hefði lennt í bílveltu fyrir helgi og að bíllinn hafði farið 5 veltur. Sem betur fer var hann á BMW, annars hefði örugglega ekki mikið orðið eftir af honum. Bílstjórinn sem var frændi hans fékk ekki skrámu en Viktor fékk skurð í hendina og er eitthvað haltrandi á annari löpp held ég..
Þetta er alveg ótrúlegt að fólki skuli þetta það í hug að leika sér að því að keyra svona hratt. Er ekki komið nóg? Hvað þarf að gerast til að fólk læri að haga sér í umferðinni? Það verður nú svolldið dýrt ef það þarf einn í hverri fjölskyldu að deyja eða slasast til að fólk átti sig á hættunni sem er þarna úti!!!

Bestu batakveðjur til þín Viktor minn, og Bessý gangi þér vel að vinna þig í gegnum reiðina sem safnast uppí þér, þú hefur svo sannalega rétt á því að vera reið, það er alveg nóg að missa einn son í umferðinni! Það er ekki réttlátt að það komi eitthvað fyrir hitt gullið þitt líka..!

Andrea Rós - Akið varlega, við erum ekki ódauðleg!